Naapeqatigiissitsinissatsinni ulloq 13.12 pisussami sammineqartussaq tassaavoq Aliasunneq juullilu

Juulli uummatinut tipaatsuffiusarpoq – aamma uummatinut artorsaatilinnut, uummatinut nikallungassuteqartunut aamma uummatinut aliasuuteqartunut. Asasaq annaasimagaanni juullisiortarneq allannguuteqarujussuarsinnaavoq. Maanna juullisioqatigisinnaajunnaakkavut pillugit eqqaasinneqartarneq pisarpoq. Ileqqutoqqat immaqa ingerlanneqarsinnaajunnaarput, maqaasineq annertusiartorpoq aamma toqusoqarneratigut annaasaqarsimasunut amerlasuunut decembari anigoruminaatsutut misigisimaneqarsinnaasarluni.

Maqaasineq ilaannikkooriarluni nammanneqarsinnaanngitsutut misigisimanartartillugu qanoq ilillutit imminut juullisiortinnissat angusinnaaviuk, ileqqutoqqat nassaareqqillugit aamma juullip tipaatsunnartua nassaaralugu?

Aliasoqatinut ornigutigit, toqusoqarneratigullu annaasaqarsimasut allat, immaqa illit eqqarsaativit aamma misigissutsivit assinganik aamma eqqarsaateqarlutillu misigissuseqartut naapillugit. Tassani kikkut tamarmik inissaqartinneqarput – aamma juullimut qilanaanngikkaluaruit, imaluunniit allat misilittagaat pillugit tusarnaarnissat kisiat pisariaqartikkukku.

Kikkuuvugut?
Kajumissutsimik suleqataasut, qanigisamik nammineq annaasaqarsimasut.

Illit kinaavit?
 Aliasunneq qanimut misigisimallugulu immaqa misigissutsit oqaasertaleruminaatsillugillu annaasimasat/simasatit pillugu/git eqqarsaatitit allanut oqaluttuarerusuppatit – immaqaluunniit toqusoqarneratigut annaasaqarneq qanoq misigisimanarnersoq pillugu ilisimasaqartut allat najuuffiginissaat pisariaqartiinnarlugu.

Susoqassava?
 Kajumissutsiminnik suleqataasut marluk aallarniillutik namminneq toqusoqarneratigut annaasaqareernermik kingorna juullimi misilittakkatik pillugit oqaluttuassapput. Tamatuma kingorna juullikkunni aliasuuteqarneq pillugu naapeqatigiissitsinermut peqataasut akornanni oqaloqatigiinnermut taanna isumassarsiorfiusinnaavoq.

Peqataanissat qanoq nalunaarutigissaviuk?
 Atit aamma “Nuummi naapeqatigiissitsineq ulloq 13. decembari” allallugit mailimut uunga  gronland@sorgcenter.dk allallutit peqataanissat nalunaarutigissavat.

Aamma peqataaneq akeqanngilaq.

☞ Sumiiffik: Nuukullak 2-002, Nuuk – taanna tassaavoq Kalaallit Meerartaat – Grønlandske Børnip iniutai

☞ Qaqugu: pingasunngorneq 13. decembari, 2023 nal. 19.00-imiit 21.00-ip tungaanut.  

Aaqqissuisut: Aliasoqatini kajumissutsiminnik suleqataasut -”Aliasoqatit – Toqusoqartillugu aliasuutinik oqilisaqatigiiffik”. https://aliasoqatit.gl