Naapitsigut

Kajumissutsiminnik suleqataasut assigiinngitsorpassuarnik tunuliaqutaqarput, assigiissutaalli tassaavoq, ilaquttaminnik imaluunniit ikinngutiminnik qanigisaminnik toqusoqarneratigut annaasaqarsimanertik. Ilaat sivisuumik napparsimareerlutik toqusimapput, ilaalli tassanngaannartumik toqusimallutik. Ilaat immaqa ajutoortoqarneratigut, napparsimasoqarneratigut, imminut toquttoqarneratigut, atornerluisoqarneratigut imaluunniit allatut pisoqarneratigut qanigisaminnik annaasaqarsimapput; kisianni tamarmik toqusoqarneratigut annaasaqarsimasuupput, misilittakaminnillu avitseqatigerusullutit. Taakku ilaat unnukkut naapeqatigiissitsinerni naapissinnaavatit, allat apeqqutit akissutillu aqqutigalugu, aamma kajumissutsiminnik suleqataasut naammatsippata chatti ammassaaq, tassani kajumissutsiminik suleqataasumik, toqusoqarneratigut annaasaqarsimasumik, chattikkut allaqateqarsinnaallutit. Aliasoqatit Nuummi, Qaqortumi, Sisimiuni aamma Ilulissanilu kajumissutsiminnik suliaqartoqarput.

Nuuk

Qaqortoq

Sisimiut

Ilulissat