Samarbejde omkring Aliasoqatit

Om Aliasoqatit

Det Nationale Sorgcenteri uuminnga pilersitsisuuvoq

Aliasoqatit  – toqusoqartillugu aliasuutinik oqilisaqatigiiffik

Sammen om Sorg – sorgstøtte efter dødsfald

Sammen om Sorg – sorgstøtte efter dødsfald

Ilisimasanik tunniusseqatigiinnissaq, aamma neqeroorutinut suliniutinullu pioreersunut Aliasoqatit tapertaanissaata qulakkeernissaanut Kalaallit Nunaanni suliniaqatigiiffiit aamma suliassaqarfimmi suliallit suleqatigivagut.

Aliasoqatit Sorglinjenimik aamma peer-to-peer (misigisap assinganik misigisaqarsimasut) atorlugu kajumissutsimik sulinermik, ukiut 20-t sinnerlugit ineriartortinneqarsimasumik, tunngaveqarpoq. Aliasoqatit naleqquttuunissaa qulakkeerniarlugu Kalaallit Nunaanni neqeroorut kajumissutsiminnik suleqataasut aamma suliassaqarfimmi suliallit arlallit qanimut oqaloqatiginerisigut ineriartortinneqarpoq:

Aliasoqatit Oak Foundation Denmarkimit aamma Finanslov aqqutigalugu Nordatlantisk Puljemit qujanartumik aningaasatigut tapersersorneqarneratigut piviusunngorsinnaalerpoq.

Det Nationale Sorgcenteri pillugu

Det Nationale Sorgcenteri 2000-mi aallartippoq, aammalu toqusoqarneratigut aliasuuteqarnerup inuunermik aseruinnginnissaanik sulissutiginnittuulluni – pitsaaliuineq aamma katsorsaaneq aqqutigalugit. Toqup aamma toqusoqarneratigut aliasuuteqartarnerup oqaluuserineqarsinnaanngornissaa pisariaqartinneqarpoq, taamaaliornikkut toqusoqarneratigut aliasunnermik eqqugaasut aliasunnerminni kisimiittutut misigisimannginniassammata. Napparsimaneq, toqu aamma aliasunneq oqaluuserisarutsigit, taava aliasuummik eqqorneqartut ikiornissaat aamma immikkut ilisimasalinnit ikiorneqarnissamik pisariaqartitsisut eqqumaffigineqarnissaat ajornannginnerulissaaq. Suliniaqatigiiffik, aamma taassuma oqaluttuassartaa annertunerusoq sorgcenter.dk -mi takuuk.

Illersuisoq

Kunngikkormiusut ataqqinassusilik, kunngissap nulia Mary Det Nationale Sorgcenterimik illersuisuuvoq, aamma 2013-imiilli taama inissisimalluni. Toqusoqartillugu aliasuuteqarneq pillugu oqaluuserinninnissamik aamma oqaluuserinnissinnaalernissamik, aamma qimagaasutut misigissutsinik artornartunik atugaqartarneq aliasuuteqarnerup ilagigaa pillugu kunngissap nuliata pingaaruteqasssusia aamma oqaluuserinnissinnaanera qujamasuutigisorujussuuarput. Kunngissap nuliata nammineq inuusuttuulluni anaanani annaavaa.

Det Nationale Sorgcenterip Kronprinsparrets Sociale Pris tulluusimaarnaqisumik 2016-imi pissarsiarivaa. Taanna suliniaqatigiiffinnut kajumissutsimik suliaqarfiusunut immikkut suliaqarsimasunut tunniunneqartarpoq. Taanna peer-to-peer atorlugu (misigisap assinganik misigisaqarsimasut) toqusoqartillugu aliasuuteqarnermi tapersersoqatigiiffimmik suliaqarnerput pillugu pissarsiarivarput, kajumissutsimik suleqataasut toqusoqarneratigut aliasuutillit namminneq misilittakkatik atorlugit toqusoqartillugu aliasuutilinnik allanik ikiuillutik.

Kunngikkormiutut ataqqinassusilik kunngissap nulia Mary 2022-mi aggustimi Nuummi isumasioqatigiissitsinermut annertunngitsumut ”Aliasuuteqarneq ataatsimoorfigalugu”-mut peqataavoq. Annertunerusumik uani paasisaqarit