Toqusoqarneratigut qimagaasimasut allat ikiorusuppigit?

Inersimasut 20-t sinnerlugit ukiullit kikkulluunniit kajumissutsiminnik suleqataalersinnaapput

Aliasoqatini kajumissutsiminnik suleqataasut namminneq ukiut kingulliit ingerlaneranni napparsimasoqarneratigut, imminut toquttoqarneratigut, ajutoortoqarneratigut imaluunniit allamik pissuteqartumik toqusoqarneratigut annaasaqarsimasuupput. Taakku tamarmik nalunngilaat toqusoqarneratigut annaasaqarneq, maqaasineq aamma aliasunneq pillugit allanik oqaloqateqarneq qanoq iluaqutaatigisoq. Taamaattumik allanut, asasaminnik annaasaqarsimasunut, ikiuisinnaaneq kajumissutsiminnik suleqataasunut isumalerujussuuvoq.

Aliasoqatini kajumissutsiminnik suleqataasut takukkit ugguuna:

Kajumissutsiminnik suleqataasut namminneq misigereerpaat

Aliasoqatini kajumissutsiminnik suleqataasut naapisinnaallugillu, oqaloqatigisinnaallugillu allaqatigisinnaavatit. Inuusuttortaqarlutillu utoqqartaqarput, taakkulu assigiissutaat tassaavoq, taakku namminneq toqusoqarneratigut qanigisaminnik annaasaqarnikuugamik, aamma tusarnaarusullutillu misilittakkaminnik tunerusullutit.

Ikinngutit, ilaquttat aamma aapparisat paasiuminaatsitsisut amerlasuunit misigineqartarpoq. Aamma ajoraluartumik amerlasoorpassuit misigisarpaat, qanoq innertik pillugu avatangiiserisamik aperinissartik puigorluinnartaraat – imaluunniit qanoq iliornissartik nalusarlugu. Taamaattumik misigisimasat assingannik misigisaqarsimasunik oqaloqateqarneq amerlasuunit oqiliallaatigineqarujussuartarpoq. Aliasoqatini kajumissutsiminnik suleqataasut toqusoqarneratigut aliasuuteqarneq qanimut misiginikuuaat, taamaattumillu pisoq ilisimasaqarfigalugu.

Kajumissutsimik suleqataaneq qanoq pissarsiffigissavara?

Kajumissutsimik suleqataanermi ataatsimoorfimmut peqataasoqalersarpoq, nuannisaqatigiittoqarsinnaalluni, qiimaqatigiittoqarsinnaalluni aamma toqusoqartillugu annaasaqarneq aliasuuteqarnerlu pillugit oqaloqatigiittoqarsinnaalluni. Kajumissutsiminnik suleqataasut misigisarpaat, namminneq misilittagaqarnerlussimanertik allanut assinganik  misigisaqartunut ikiuinertut atussallugu isumaqalersitsisartoq. Taakku maligassiuisunngortarput, toqusoqarneratigut qimagaasunit allanit takuneqarsinnaalersillugu ilaquttat imaluunniit ikinngutit toqunerisigut annaasaqaraluarluni inuuneq oqileqqissinnaasoq.

Qanoq ilillunga kajumissutsinnik suleqataalersinnaavunga?

Kajumissutsiminnik suleqataarusuttunik, 20-niit qummut ukiulinnik ukioqatigiiaanik tamanik, pissarsiorpugut.

Nuummi najugaqarpit, aammalu napparsimasoqarneratigut, ajutoortoqarneratigut, imminut toquttoqarneratigut, atornerluisoqarneratigut imaluunniit allanik pissuteqartumik ilaquttannik imaluunniit ikinngutinnik toqusoqarneratigut annaasaqarsimavit, aamma Aliasoqatini kajumissutsiminnik suleqataasut peqatigalugit toqusoqarneratigut aliaasuuteqartunik allanik ikiuinissat soqutigalugu?

Uunga allagit gronland@sorgcenter.dk paasissutissanillu annertunerusunik pissarsillutillu suliassaqarfimmi sulialimmik oqaloqateqarlutit – tassani qanoq kajumissutsimik suleqataasoqalersinnaanersoq, kajumissutsiminnik suleqataasut sulerisarnersut aamma Aliasoqatini kajumissutsimik nammineq suleqataalernissamut suut namminermut pissarsissutaallutillu  pisariaqartinneqassanersut pillugit oqaluttuutissavatsigit.