Podcasti

Imminut toqunneq pillugu oqaluuserinnikkusunnginneq kipitikkusukkaa 

Lena Ravn Davidsenip, Ilulissaniittup, imminut toqunnerup aamma toqusoqarneratigut aliasunnerup inuunermini qanoq initutigisimanera pillugu inuttut oqaluttuassani oqaluttuarivaa. 

Lenamut attaveqarnissaq Aliasoqatini kajumissutsiminik suleqataasup aqqutissiuussimavaa, aammalu Grønlandske Livshistorier podcastimik pitsaasumik matuminnga suliarinnittuulluni.

Una aqqutigalugu tusarnaaruk:  #24 Vil bryde tabu om selvmord”

Aliasunneq oqaluuserisartakkatsinnut ilaavoq  

Maannamuugallartoq aliasuuteqarneq pillugu podcasti danskisoortoq nutaaq maana ingerlateqqipparput:

Podcastini nangeqattaartuni: ”Sorgen er da noget, vi taler om”-imi Det Nationale Sorgcenterimi direktørip Preben Engelbrektip ilaatigut Lotus Turell, Basim, Carsten Jensen, Thyra Frank aamma Esben Kjær oqaloqatigivai, taakku tamarmik toqusoqarneratigut annaasaqarsimasuullutillu aliasuuteqarneq assigiinngitsumik misigisimavaat. Oqaloqatigiinnerit angajoqqaanik annaasaqarnerup artornassusianik, meeqqamik annaasaqarnerup artornassusianik aamma aliasunnerup, attatiinnarneqalersup, oqaluuserinissaanik ajornakusoortitsinermut aamma piffissap ingerlanerani aliasunnerup qanoq allanngoriartortarneranut tunngapput.  

Toqusoqartillugu aliasunneq pillugu immitsinnut oqaloqatigiinnerunissarput merserinnginnerusariaqarparput, Preben Engelbrek oqarpoq:

–Aliasunneq misigissusiinnaanngilaq. Aliasunneq aamma allat peqatigalugit inuunermi pitsaasumik qanoq ingerlariaqqinnissatsinnut tunngavoq. Toqoreersut  eqqaamajuaannarneqarnissaat taakku oqaluuserinissaannik periarfissinneqarnitsinni pisarpoq. Taamaattumik aliasunneq suup annaasimaneranut kisimi tunnganngilaq – aammali inummit toqusimasumit suna nassataralugu inuunitta sinnerani ingerlaqqinnissatsinnut tunngalluni, Preben Engelbrekt oqarpoq.

Podcastini nangeqattaartuni peqataasut tamarmik ilaquttaminnik qanigisaminnik toqusoqarneratigut annaasaqarnermik artornassusia ammasumik unneqqarissumillu oqaluttuarivaat. Aammali  ingerlariaqqinnissaminnut suut oqilisaataallutillu ikiuutaasimanersut taakku oqaluttuarivaat. Amerlasuut juullip nalaani aamma ukiortaarnissaanut toqusortatik maqaasillugillu eqqaaniarnerusarpaat. Sammisaq oqaluuseriumaneqarneq ajortoq podcastimik nangeqattaartuliat ammarpaat, aamma eqqarsaatit misigissutsillu artornartut oqaasertaliiffigalugit. Aamma podcastimik nangeqattaartuliani kusanarluinnartumik eqqartorneqarpoq, aliasunneq tassaasoq toqusimasumut attuumassuteqarsimanitsinnut tunngasoq, aammalu toqusup ukiuinut tunngannginnerulluni.

Preben Engelbrekt neriuppoq, oqaloqatigiinnerit allanit ilisarsisitsillutillu isumassarsisitsissasut, aamma qanigisanik oqaloqateqarnissamut sapiissuseqalersitsillutik. Aamma taanna neriuppoq, oqaloqatigiinnerit juullikkut nalaanni tusarnaartunut tapersersuutaalluassasut:

-Qimagaasunut artornarsinnaasoq ilisimavarput. Toqusoqartillugu aliasunneq aamma kiserliorneq nalliuttuni initoorujussuusarput. Neriuppunga toqusoqarneratigut qimagaasimasut tamarmik namminerminni ilisarisaqarsinnaassasut, aamma podcastimik nangeqattaartuliaq neriunnermik pilersitseqataallunilu inuunerup pitsanngoqqissinnaaneranik upperinnilersitsissasoq, immaqa takorloorneqarsinnaasuni ajornerpaaq pisimagaluartorluunniit.

Spotify, Apple Podcast imaluunniit podcastinik tusarnaartarfiit aqqutigalugu tusarnaaqataagit.
Aamma una aqqutigalugu toqqaannartumik tusarnaarsinnaavutit:  Sorgen er da noget, vi taler om (spreaker.com)