Aliasuuteqarnermi tapersersoqatigiinneq

Aliasoqatit toqusoqarneratigut aliasuuteqartunut ikiuinissamut arlalinnik neqerooruteqarpoq

Naapeqatigiissitsisarnerit

Kajumissutsiminnik suleqataasut assigiinngitsunik sammisaqarlutik akuttunngitsumik Nuummi naapeqatigiissitsisarput.

Naapeqatigiissitsineq kajumissutsiminnik suleqataasunit ataatsimit marlunnilluunniit saqqummiisoqarneratigut aallartinneqartarpoq, taakku namminneq toqusoqarneratigut annaasaqarsimasuullutik, aammalu misilittakkaminnik oqaluttuartarlutik. Kingornatigut kissartortugassaqarlunilu toqusoqarneratigut annaasaqarsimasunik allanik oqaloqateqartoqarsinnaavoq.

2023-p ukiaani aamma 2024-p upernaavani onlinekkut naapeqatigiissitsisarnissanut pilersaarut takkutingajalerpoq

Apeqqutit akissutillu

Tassani toqusoqarneratigut qimagaasunit apeqqutit akissutillu assigiinngitsut atuarsinnaavatit. Aamma illit nammineq apeqqutit nassiussinnaavat, taava kajumissutsiminnik suleqataasut akissuteqarlutillu kinaassutsit ersersinnagu quppernermi matumani saqqummiutissavaat.

Chatti

Kinaassutsit saqqummiunnagu kajumissutsiminik suleqataasumik ugguuna allaqateqarsinnaavutit. Chatti kajumissutsiminnik suleqataasunik naammattunik peqalerutta piffissami aalajangersimasumi ammasassaaq.

Kinaassutsimik isertuussineq

Aliasoqatit kinaassutsimik isertuuffiusumik neqeroorutaavoq – chatterput, apeqqutit akissutillu  imaluunniit unnukkut naapeqatigiissitsisarnivut atoraluarukkilluunniit – kissaatigigukku kinaassutsit isertuulluinnarsinnaavat. Kinaanerit kajumissutsiminnik suleqataasut takusinnaassanngilaat, kisianni paasinerujumallutit ikiornerusinnaajumallutillu arlaatigut  apeqquteqarfigeriataarsinnaavaatsit.

IKIORTISSANNIK MASSAKKUT PISARIAQARTITSIVIT?

TUSAANNGA 801180-IMUT ATTAVIGIUK

Nuanniillioruit, ajornartorsiuteqaruit imaluunniit oqaloqatissaaleqiguit,

taava Tusaannga 801180-imut sianerfigisinnaavat, imaluunniit 1899-imut SMS-erlutit.

Tassani siunnersortimik ilisimasalimmik oqaloqateqarsinnaallutilluunniit allaqateqarsinnaavutit.

Ammasarfiit:

Ataasinngorneq– sisamanngorneq: Ulloq unnuarlu ammasarpoq

Tallimanngorneq – arfininngorneq: Ulloq unnuarlu ammasarpoq

Sapaat: Ulloq unnuarlu ammasarpoq