Toqusoqarnera, annaasaqarneq aamma aliasunneq pillugit Apeqqutit Akissutillu

Tassani nammineq misilittakkatit allanut ingerlateqqissinnaallugillu toqusoqartillugu aliasunneq pillugu kajumissutsiminnik suleqataasut misilittagaannik aperisinnaavatit.

Apequtit Akissutillu tassaavoq annaasaqarlutik misilittagallit allat atugaannik ilisarsisinnaanermut periarfissaq.

Apeqqutit Akissutillumi toqusoqarnera, annaasaqarneq aamma aliasunneq pillugit Aliasoqatini kajumissutsiminnik suleqataasut misilittagaat pillugit allaffigalugillu aperinissaannut periarfissinneqarputit. Kajumissutsiminnik suleqataasut eqqarsaatinnik aamma misigissutsinnik avitseqatigisinnaavatit, taakku immikkut ittumik paasisinnaassavaatsit, tamarmik toqusoqarneratigut annaasaqarnikuullutillu aliasunnermik namminneq misilittagaqaramik.  

Apeqqutit Akissutillu allaffigigukku ilinnut akissutigineqartoq sapaatip akunnerata ataatsip/sapaatit akunnerisa marluk ingerlaneranni nittartakkatsinni atuarsinnaalertassavat. Piffissani ulapaarfiusuni aamma sulinngiffeqartoqarnerani sivisunerulaarsinnaasassaaq.

Apeqqutit Akissutillumut allakkat akuttunngitsumik Facebookimi quppernitsinnut ilisassavavut. Apeqqutit Akissutillumi apeqqutigineqartut aamma akissutigineqartut tamatigut kinaassutsimik ilisarinnissinnaajunnaarsillugit suliarisarpavut, taakku inunnut aalajangersimasunut atassuserneqarsinnaajunnaarsinniarlugit.  

Ilanngussat kajumissutsiminnik suleqataasunit akineqartassapput

Aliasoqatini kajumissutsiminnik suleqataasut tamarmik meeqqamik, inooqatigisamik/aapparisamik, qatanngutinik, ilaquttanik allanik imaluunniit ikinngutinik toqusoqarneratigut annaasaqarsimasuupput. Taakku namminneq misilittakkatik aallaavigalugit allattassapput. Massakkut illit immaqa inissisimaffigisanniillutik taakku misilereernikuuaat, aamma taakku misilittakkatik sakkortuut atorlugit tunniusserusullutillu atuarnissaminnut piffissaqarlutillu piumassuseqarput.

Apeqqutit Akissutillumut linki: https://sorgcenter.dk/brevkasse-kategori/doedsfald/ https://sorgcenter.dk/brevkasse-kategori/doedsfald/

Kina Apeqqutit Akissutillumut allassinnava?

Meeraq, inooqatigisaq/aapparisaq, angajoqqaaq, qatanngutit, ilaquttat allat imaluunniit ikinngutit toqusimatillugit Apeqqutit Akissutillu qimagaasimasunit tamanit, 13-iniit 99-inik ukiulinnit, atorneqarsinnaavoq.

Apeqqutit Akissutillumi Aliasoqatini kajumissutsiminnik suleqataasut, 20-niit 80-inik ukiullit, allaffiginissaannut periarfissaqarputit, taakku tamarmik qanigisaminnik toqusoqarneratigut annaasaqarsimasuupput, aamma massakkut inissisimaffigisat artornartoq ilisimasaqarfigalugu.

Toqusoqarneratigut qimagaasimasunut ikinngutaaguit, aappaaguit, inooqataaguit, angajoqqaajuguit, meeraaguit imaluunniit allatut ilaquttatut attuumassuteqaruit kajumissutsiminnik suleqataasut allaqatiginissaannut tikilluaqqusaavutit. Taakku namminneq misilittakkaminnik oqaluttuarsinnaapput, aamma soorlu pitsaanerpaamik qanoq tapersersuisoqarsinnaaneranik pitsaasunik siunnersuuteqarsinnaallutik,

Apeqqutit Akissutillu sumut atorneqarsinnaava?

Oqimaatsorsioraanni tamanna pillugu allanneq ilaatigut iluaqutaasarpoq. Apeqqutit Akissutillu  ulloq unnuarlu allaffigisinnaavat. Kajumissutsiminnik suleqataasut toqusoqarneratigut qimagaasimasut misigisaat aamma misilittagaat pillugit apeqqquteqarfiginissaannut Apeqqutit Akissutillu atorsinnaavat. Aamma illit tamanna oqaluttuassat, taalliaq imaluunniit allagaq ingerlateqqissinnaallugit – imaluunniit massakkorpiaq qanoq innerit oqaluttuaralugu imminut oqilisaassinnaallutit.  

Apeqqutit Akissutillu) Aliasoqatit.gl-imut ilaavoq.