Asasara illit   

Qujanarujussuaq allatannut. Allaaffigeqatigiittarfimmut allakkavit pitsaalluinnarpoq.     

Paninnguit pillugu oqaluttuat alianaq. Atuarlugu ajuusaartorujussuuvunga.       

Panituaralugu paniillu immissinnut immikkut atassuteqarsimarpasippusi, paasisinnaasorivaralugu akunnissinni asanninnerujussuaqarsimasoq. Suna tamarmi anigoruminaassinnaasutut sakkortoorujussuartullu misigisimagasinnaagakku paasisinnaavakkit. Uanga nammineq meerarisannik annaasaqarlunga misiginikuunngilara, kisianni tamatuma assinganik misigisaqarsimasunik ilisimasaqarpunga, taakkulu oqaluttuarnikuupput tamanna qanoq isummakkut annernartiginersoq. Inuunermi sakkortuumik nalaataqarnermi tamanna pillugu arlaannut oqaloqatigiissutiginissaa pingaaruteqarsinnaavoq.       

Nuummi najugaqaruit naapeqatigiissitsisarnernut, Aliasoqatini aaqqissuuttakkatsinnut, orniguteqqullutit inassutigisinnaavara. Inuit aamma annaasaqarsimasut allat naapinnissaannut periarfissaqassaaq. Tusarnaaginnartoqarluniluunniit nammineq annaasaqarneq pillugu eqqarsaatit misigisallu pillugit oqaluttuartoqarsinnaavoq. Taakku annertunerusumik ugguuna paasisaqarfigisinnaavatit: https://aliasoqatit.gl/da/cafeaftner/      

Tamatuma saniatigut Aliasoqatit chattertarfeqarpoq, kajumissutsiminnik suleqataasut ilaat piumagaanni ataasinngornerit tamaasa allaqatigineqarsinnaalluni. Tamanna pillugu nittartakkatsinni annertunerusumik paasisaqartoqarsinnaavoq, uani: https://aliasoqatit.gl/aliasuuteqarnermi-tapersersoqatigiinneq/  

Ajunngitsunik tamanik kissaappakkit. Apeqqutit Akissutillu allaffigeqqinnissaannut tikilluaqqusaavutit.    

Inussiarnersumik inuulluaqqusilluta,   

Aliasoqatit