Inuusuttuulluni angajoqqaaveruteriataarneq
Ataataga uummamminik unittoorluni 23-mi toquvoq, anaanaga 18-mi kræfterluni toqunikuummat angajoqqaaveruteqqammerpunga.
Annaasaqaramali imminut ikiorsertarpunga ilaquttakka, sulisitsisora, clairvoyant aamma terapi iperaaneq misilippakka. Kisianniuna eqqarsaatiginikuunngisaannarsimagiga imminut aallunnissara, pinikut aliasuutit ukkatarivallaannguatsiarikka imminut aalluppallaarnanga uffa aliasuutikka “aaqqissorikka”.
Allaannginnami imminut asanissara killeqarpaluttoq allaat allanut asanninnermik tunisinissara ungasilluni.
Aappara meeqqakkalu kalluarusunngilakka. Ilisarnarpa? Susinnaavunga?
Akissut
Asasara illit
Allakkannut qujanaq.
Siullermik oqaatigerusuppara allakkavit nersualaarlutit, aamma angajoqqaatit illugiillugit annaasimagitit tusarlugu ajuusaarpunga.
Uanga eqqaamavara ataatassama annaanerata kingorna aamma imminut tunulliunnikuullunga. Annaasaqarneq aqqusaarlugu sakkortuujuvoq, eqqarsaatillu initoorujussuullutillu iperaruminaattarput.
Aappat meeqqatillu eqqorusunnginnakkit aamma ilisarisinnaavara, meeqqammi misigissusiat eqqarsaatigineqartarmat. Ilimagivara angajoqqaavit oqaluuserinerat meeqqanut pitsaasuussasoq, aamma eqqaamasat nuannersut eqqartoraangassigit tamanna tamassinnut oqinnerulersitsissaaq.
Uanga nammineq misilittagara tassaavoq, ilaquttama suleqatimalu saniatigut allanik oqaloqateqartarnera uannut iluaqutaasoq.
Aliasunnerit aamma nalaassimasatit pillugit oqaloqateqarnissat pisariaqartikkukku toqusoqarneratigut aliasuuteqarneq pillugu naapeqatigiissitsinermut ornigunnissat, imaluunniit aliasuuteqarneq pillugu chatteqatigiittarfimmik chatteqateqaqqullutit inassutigissavara, aliasuuteqartunik allanik naapitsisinnaallutilluunniit chatteqateqarsinnaallutit.
Inassutigerusuppara naapeqatigiissitsinermut tullermut ornigullutilluunniit chattip ataasinngornermi 10.00-imiit 12.00-imut ammanerata nalaani chatteqarsinnaasutit.
Aliasoqatit neqeroorutaat ulluliussallu uani takusinnaavatit: https://aliasoqatit.gl/aliasuuteqarnermi-tapersersoqatigiinneq/
Illit ilaquttatillu ajunnginnerpaamik kissaappassi.
Inuulluaqqusillunga,
Aliasoqatit