Asasara illit

Aperivutit sooq? Imminut toqoriaraluarnerpit kingorna ukiup ataatsip qaangiunnerani sooq taama sakkortutigisumik qisuariarnerlutit? Apeqqut annertuvoq, aammalu ilisarisimanak inuuninnilu nalaatat ilisimasaqarfiginagu akiuminaatsorujussuulluni.

Kisianni nalunngilara imminut toqunnissamik eqqarsaatit aamma imminut toqunniarluni iliuuseqarnerit asuliunngilluinnartumik tiguneqartussaasut. Anniaammik annertuumik pigisaqarpasipputit. Taamaattumik ikiortissarsiornerit aamma pitsaasuuvoq.

Aliasoqatiniittut tamarmik qanigisaminnik ataatsimik imaluunniit arlalinnik toqusoqarneratigut namminneq annaasaqarnermik misilittakkatik tunngavigalugit kajumissutsiminnik suIiaqartuupput. Misilittagaq taanna tunngavigalugu kajumissutsimik suleqataasutut saaffigineqarsinnaaneq neqeroorutigineqartarpoq. Kajumissutsimik suleriaaseq taamaattoq taaneqartarpoq Peer to Peer, tassa misigisap assinganik misigisaqarsimasutut kajumissutsimik suleqataasut, tamannalu aalajangersimasumik ilinniagaqarsimannginnissamik ilisarnaateqarpoq, aammalu ilisimasalittut ikiuussinnaanissaq naatsorsuutigineqarneq ajorluni. Matumani kajumissutsiminnik suleqataasut namminneq inuttut toqusoqarneratigut annaasaqarnermik aamma aliasunnermik misilittakkatik allanik assingusumik nalaataqartunik naapitsinissaminnut atortarpaat.

Allatat tunngavigalugu inassutigissavara Tusaannga attaveqarfigissagit,  https://socialstyrelsen.gl/4_tilbud_til_borgerne/tusaannga?sc_lang=da

Oqarasuaat: 80 11 80

SMS: 18 99

Ammasarfiit:

Tusaannga ullut tamaasa ulloq unnuarlu ammasarpoq

Tusarnaarnissaminut piffissalimmik, aamma naleqquttumik ikiorneqarnissat siunertaralugu sumut saaffiginnissinnaanerlutit ikiuisinnaasumik oqaloqateqarsinnaavutit.

Ajunnginnerpaamik kissaassilluta,

Aliasoqatit