Ataatap toqunerata kingorna imminut toqunnissamik eqqarsaatit nalinginnaasuuppat?
Arnaavunga inuusuttoq 28-nik ukiulik, ataataga kræfterluni toqusoq annaanikuuara. Tarnikkut nappaatilinnut sullissivimmut qaammatit kingulliit arfinillit ingerlaneranni uteqattaartuarpunga. Tamatigut ilisimatinneqartarpunga, taama sakkortutigisumik qisuariarnera nalinginnaasuusoq, kisianni ilumut taamaappa?
Akissut
Asasara illit,
Siullermik allatannut qujanaq, ataatavit annaasimaneranut tunngasut tusarlugit ajuusaartorujussuuvunga.
Qulequtsiussanni ataatap toqunerata kingorna imminut toqunnissamik eqqarsaateqarneq nalinginnaasuunersoq apeqqutigivat, uangalu isumaqarpunga annaasaqarnerup kingorna toqumut tunngasutigut eqqumaffiginninneq annertunerulersartoq, ilutigitillugulu suna tamaat isumaqanngitsutut misigineqartarluni. Uannulli aalajangeruminaatsoq tassaavoq, ilinnut tamanna qanoq ilungersunartigisumik inissisimanersoq, pissutigalugu imminut toqunnissamik eqqarsaateqarneq ataavartumik pisussaanngimmat, aamma illit inuuninnut aqutsisuusussaanani, taamaattumillu tarnikkut nappaatilinnut sullissivimmit ikiorneqaravit qujanarpoq.
Taama sakkortutigisumik qisuariarnerit asanninnermik takutitsinertut isigivara. Ima ussatitoqaqarpoq, aliasunneq tassaavoq asanninneq tigusisussaqanngitsoq. Eqqarsarpunga qisuariaatit taamaammat sakkortuujusoq, pissutigalugu asannikkavit, aamma ataatat suli asasorujussuugakku, taamaattumillu aamma soorunami sakkortuumik aliasullutit. Tassani – soorlu aamma imminut toqunnissamik eqqarsaatinut tunngatillugu – ikiorneqarnissaq pingaaruteqarpoq. Tamatumani pisortat aqqutigeqqaarnissaat pisariaqanngilaq. Uanga nammineq ataataga annaanikuuara, uannullu iluaqutaasorujussuunikuusoq tassaavoq ilaquttama ikinngutimalu oqaloqatigisarnerat. Aliasunnera pillugu oqaatsit amerlanerusut atortillugit annaasara pillugu qisuariartarnera aamma sakkukilliartorpoq. Taamaattumik isumaqarpunga (pinngitsoornak) sakkortuumik qisuarianngitsutit, kisianni tassa annaasaqarnerit qisuariarfigiinnarit. Tamatumani ikiortissarsiornissaq, aamma ikiorneqarnissaq pingaaruteqarpoq, aammalumi ilaatigut uannut allallutit taamaaliorputit.
Taamaattumik suli pisariaqartitsiguit uagutsinnut ikiortissarsioqqissinnaalluarputit.
Neriuppunga isumaliutersuutikka atorsinnaassagitit.
Ajunnginnerpaamik kissaallutit, kajumissutsimik suleqataasut ilaat
Massakkut ikiorneqarnissannik pisariaqartitsiguit Tusaannga 801180-imut sianerfigisinnaavat, imaluunniit 1899-imut SMS’erlutit.
Ikiortissat allat uani takukkit: https://aliasoqatit.gl/ikiortissanik-allanik-nassaarit/
Aliasoqatit toqusoqarnerani aliasuuteqarneq pillugu naapeqatigiissitsisarnissaannut ulluliussat uani takukkit: https://aliasoqatit.gl/nuummi-naapeqatigiissitsisarnerit/