Asasara illit   

Allatannut qujanaq. Mikisuarannguullutit misigisimasatit pillugit oqaluttuat kakkaak sakkortoq.  

Qujanaqaaq aatavit annaassinnaasimammatit. Peroriartorninni taanna ilinnut isumaqarsimassaqaaq. Aatavit qanga toqunera allatannut ilanngutinngilat, kisianni toqummat takorloorsinnaavara annaasaq ilinnut angisoorujussuusimassasoq. Ilinnik annaassisimanerata saniatigut ilinnut angajoqqaatut issimassasoq paasisutut ippara.   

Maanga allaqqikkusussaguit taanna ilinnut qanoq pingaaruteqartigisimanersoq, qanga toqusimanersoq, aamma toqunera ilinnut qanoq sunniuteqarsimanersoq pillugit annertunerusumik paasisaqarusussinnaavunga. Aamma angajoqqaatit inuuninni taama siusitsigisumi, aamma taama sakkortutigisumik annaasimaneri pillugit qanoq eqqarsaatersuuteqartarnerlutit pillugit oqaluttuarnerusinnaavutit.   

Nuummi najugaqaruit Aliasoqatini aaqqissuuttakkatsinnut naapeqatigiissitsinerit ilaannut aggeqqullutit inassutigisinnaavara: https://aliasoqatit.gl/da/cafeaftner/  

Annaasaqarsimasut allat naapinnissaannut tassani periarfissaqarputit.  

Ataasinngorpamiit, aamma maannamuugallartoq sapaatit akunnerini tulliuttuni tallimani ataasinngornikkut Aliasoqatineersumik chatteqateqarnissamut aamma periarfissaqarpoq, taanna nittartagarput aqqutigalugu annertunerusumik paasisaqarfigisinnaavat.  Aliasuuteqarnermi tapersersoqatigiinneq – Aliasoqatit 

Tusarfigeqqinnissat neriuutigalugu.   

Inuulluaqqusilluta, ajunngitsunillu kissaallutit,   

Aliasoqatit