Asasara illit  

Allapputit immaqa apeqqutaavallaanngitsoq??? Isumaqarpunga taamaanngitsoq. Aqqaneq-marlunnnik ukioqarlutit anaanat annaasimallugu, tamatumalu kingorna ataatannut ningiukkunnullu aallartinneqarlutit. Soorlumi illoqarfimmit allamit allamut nuuttariaqarsimasutit?  

Tamannami ima isumaqarpoq, anaanavit annaanerata saniatigut angerlarsimaffiit, aammalu avatangiisinni qanigisatit tamaasa annaagitit. Eqqarsarpunga immaqa aamma atuarfiit allanngorsimassasoq? Tamanna meeqqamut aqqaneq-marlunnik ukiulimmut aliasuuteqartumut allanngorneruvoq angisooq.  

Oqaluttuarputit nukkat ningiukkussinni najugaqareersoq. Eqqoriarpara anaanarsi toqummat anaanallu najunngikkaasi?    

Pissutsit qanorpiaq issimanersut nalulluinnarpara, immaqalu eqqoriaanera eqqunngilluinnarpoq, kisianni angajoqqaasi angajoqqaarivinngikkissi nukkavit oqalunnera aliasunneranit, aammalu anaanassi toqunera pillugu kamanneranit, aammalu aallartinneqartariaqarsimaneranit pissuteqarsimassanerpoq?    

Allapputit ullumikkut qanillisinnaanagu, aammalul soqutigittaatsutut misigissuseqanngitsutullu misigisimasinnaallutit.   

Anaanassinnik taama siusitsigisukkut annaasaqarnersi immaqa marluullusi ilissinnut itisuumik qimatsisimavoq? Immaqa assigiinngitsorujussuarmik qisuariaateqarsimavusi, ilaatigut inuugassi assigiinngitsut marluk, ilaatigut anaanarsi toqummat sumiiffinni assigiinngitsuniikkassi?  

Allaanerusimassagaluartoq marluullusi kissaatigisimassagaluarnerissi eqqarsanngitsoorsinnanngilara. Immaqa immissinnut ungasissutut misigisimagassi marluullusi aliasuutigivarsi?  

Naluara sumi najugaqarnersutit, kisianni Nuummiikkuit naapeqatigiissitsinerit ilaannut, Aliasoqatit aaqqissuuttagaannut, misilillugu aggeqqullutit inassutigisinnaavara:  

Taanna pillugu annertunerusumik uani paasisaqarsinnaavutit: https://aliasoqatit.gl/da/cafeaftner/ https://aliasoqatit.gl/aliasuuteqarnermi-tapersersoqatigiinneq/ 

Apeqqutit Akissutillu allaffigeqqinnissaannut aamma tikilluaqqusaavutit.  

Inuulluaqqusilluta, ajunngitsunillu kissaallutit  

Aliasoqatit