Asasarput illit.

Siullertut oqarusuppunga anaanat annaasimagit tusarlugu ajuusaartorujussuugama.

Angajoqqaamik annaasaqarneq alianartuuvoq, aamma naak angajoqqaap taassuma ukiorpassuit angusimagaluarai, aammalu ukiut amerlasuut peqatigalugit inooqatigisimagaluarlugit. Tamannalu aamma kingumut eqqaamasarpassuarnik misigisimasarpassuarnillu imaqarpoq.

Ajannut utoqqaat angerlarsimaffiannut pulaarsimanerit sakkortuutut misigisimanarsimarpasippoq. Ilaannikkooriarluta piareersimaffiginngilluinnakkatsinnik aliasunnitsinnit sakkortuumik nalaanneqariasaartarpugut.

Allapputit qaqugu qaangissanerlugu nalullugu. Maani inunnik asasaminnik annaasaqarsimasunik oqaloqateqaraangatta taakku oqaluttuartarput aliasunneq qaangiunneq ajortoq. Taarsiullugu tassaasoq inuunermi atugassatut piffissap ingerlanerani ilikkariartorneqartartoq. Neriuppunga ilinnut tamanna aamma piumaartoq.

Aliasunneq kiserliornarsinnaasaqaaq, allanik annaasaqarsimasunik oqaloqateqarneq aamma iluaqutaasinnaavoq. Taamaattumik uagutsinnut Aliasoqatini Apeqqutit Akissutillu aqqutigalugu allakkavit aamma nuannaarutigivara  Uagutsinnut allaqqinnissannut tikilluaqqusaavutit.

Immaqaluunniit toqusoqarneratigut aliasuuteqarneq pillugu Nuummi ornigullutit, imaluunniit sumi najugaqarnerit apeqqutaatillugu onlinekkut naapeqatigiissitsinermut peqataarusussinnaasutit.

Aliasoqatit neqeroorutaat pillugit annertunerusumik uani takusaqarsinnaavutit: https://aliasoqatit.gl/da/sorgstoette/ aamma piffissami aggersumi naapeqatigiissitsinissat pillugit allattorsimaffik uani takusinnaavat: https://aliasoqatit.gl/da/cafeaftner/

Ajunnginnerpaamik kissaallutit,

Aliasoqatit