Pingasunngorneq, 25. oktober 2023: Aliasuuteqarneq pillugu naapeqatigiissitsineq – sammisaq: ”Aliasunnermi ataatsimooqatigiinneq” (online)

Online-kkut naapeqatigiissitsineq: Aliasuuteqarnermi ataatsimooqatigiinneq

Napparsimasoqarneratigut, imminut toquttoqarneratigut, ajutoortoqarneratigut imalunniit allatut illit qanigisannik annaasaqarsimasoq toqusoqarsimatillugu aliasuuteqarneq pillugu online-kkut naapeqatigiissitsinermut peqataagit.

Naapeqatigiissitsinermi tassani sammineqartussaq tassaavoq, qanigisamik annaasaqarnermi aliasuuteqarneq ataatsimooqatigiinnikkut oqaloqatigiinnikkullu qanoq tuppallersaataasinnaanersoq.

Inuunerup sinnerani aliasunnerup najortarpaatigut, immitsinnulli avitseqatigiinnikkut aliasunneq oqinnerulersinnaavoq. Kisimiittutut kiserliortutullu taava misigisimassanngilagut.  

Aliasoqatini kajumissutsiminnik suleqataasut marluk aamma tarnip pissusiinik ilisimasallip Mette Mørk Bjørnskovip akornanni oqaloqatigiinnermik unnuk aallartinneqassaaq. Kajumissutsiminnik suleqataasut taakku marluk annaasaqarsimasuupput, aammalu oqaluttuassartaminnik saqqummiissallutik. Oqaloqatigiinneq taanna naapeqatigiissitsinermi peqataasut tusarnaarsinnaasaattut saqqummiinertut ingerlanneqassaaq. Tamatuma kingorna peqataasut eqimattanut agguataarneqassapput, aliasuuteqarnermi ataatsimooqatigiinnermut tunngatillugu misilittakkat assigiinngitsut pillugit oqaloqatigiinnissamut periarfissaqassalluni.

Pilersaarut:

Nal. 17.00-17.10: Peqataasut zoomimi iserfissamut isertinneqassapput (teknikki tamanut ajoquteqannginnersoq qulakkeerneqassaaq)

Nal. 17.10-17.20: Aliasoqatinit peqataasut naatsumik ilisaritissapput

Nal. 17.20-17.25: Sammisaq pillugu nassuiaat: Aliasuuteqarnermi Ataatsimooqatigiinneq

Nal. 17.25-17.55: Kajumissutsiminnik suleqataasut Mettellu oqaloqatigiinnerat

Nal. 17.55-18.05: Unikkallarneq

Nal. 18.05-18.45: Misilittakkanik eqimattani mikinerusuni tunniusseqatigiinneq (onlinekkut eqimattani immikkoortuni), oqaluttuarusuttunik tusarnaaginnarnissamut aamma periarfissaqarluni

Nal. 18.40-19.00: Ataatsimoorluni naggasiineq aamma unnuk manna qujanaq

☞ Sumiiffik: Online-kkut zoomimut linki, peqataarusullutik nalunaarsimasunut nassiussuunneqartussaq, aqqutigalugu  

☞ Qaqugu: Pingasunngorneq 25. oktobari, 2023 nal. 17.00-imiit 19.00-ip tungaanut

☞ Oqaatsit sorliit atussanerlugit allallugu (kalaallisut/danskisut imaluunniit tamaasa atorsinnaallugit oqaasilik) peqataanissamut e-mailikkut nalunaarfissaq gronland@sorgcenter.dk

Aaaqqissuisut: Aliasoqatit – Toqusoqartillugu aliasuutinik oqilisaqatigiiffik – https://aliasoqatit.gl