NUUMMI NAAPEQATIGIISSITSINISSAMUT ORNIGULLUTIT PEQATAAJARTORIT

Pingasunngorneq 15. novembari, 2023 nal. 19.00-imiit 20.30-p tungaanut toqusoqarsimatillugu aliasuuteqarneq pillugu naapeqatigiissitsineq – sammisaq: ”Aliasuuteqarneq aamma Nalliuttut”

Napparsimasoqarneratigut, imminut toquttoqarneratigut, ajutoortoqarneratigut imaluunniit allatut illit qanigisannik annaasaqarsimasoq, toqusoqarsimatillugu aliasuuteqarneq pillugu Nuummi unnukkut ataatsimooqatigiinnissamut peqataajartorit.  

Ataatsimooqatigiinnermi tassani sammineqartussaq tassaavoq Aliasuuteqarneq aamma Nalliuttut,  toqusoqarsimatillugu aliasuuteqarneq juullikkut nalaanni amerlasuutigut oqimaannerusarmat. Ataatsimooqatigiinnerup aamma aliasuuteqarneq pillugu oqaloqatigiinnerup juullikkut nalaanni aamma oqilisaatissavaatigut.

Kajumissutsiminnik suleqataasut marluk, tamarmik annaasaqarsimasut, aliasuuteqarnermi nalliuttut nalaanni misilittakkaminnik saqqummiinerannik unnuk aallartinneqassaaq. Tamatuma kingorna kaffeqarumaarpoq, aammalu annaasaqarsimasunik allanik oqaloqateqarnissamut periarfissaqassalluni.

Nal. 19.00-19.05: Peqataasussat takkussuunnerat; kaffi, tii aamma kaagi sassaalliutigineqassapput

Nal. 19.05-19.10: Aliasoqatini kajumissutsiminnik suleqataasut ilisaritinnerat

Nal. 19.10-19.35: Kajumissutsiminnik suleqataasut sammisaq una pillugu misilittakkaminnik oqaluttuassapput: Aliasuuteqarneq aamma Nalliuttut

Nal. 19.35-19.40: Unillatsiarneq

Nal. 19.40-20.20: Ataatsimoorluni misilittakkanik avitseqatigiinneq, apeqquteqarnissamut, oqaluttuarnissamut imaluunniit oqaluttuarusuttunik tusarnaaginnarnissamut periarfissaqartinneqarluni

Nal. 20.20-20.30: Naggasiineq aamma unnummik naliliineq

☞ Sumiiffik:  Nuukullak 2-002, Nuuk, – Kalaallit Meerartaat – Grønlandske Børnip iniutaani.

☞ Qaqugu: pingasunngorneq 15. novembari, 2023 nal. 19.00-imiit 20.30-p tungaanut

Aaqqissuisut: kajumissutsiminnik suleqataasut, ”Aliasoqatit – toqusoqartillugu aliasuutinik oqilisaqatigiiffik” – https://aliasoqatit.gl