Aliasunneq ikinngutillu
Aliasunneq ikinngutillu ❤️
Aliasoqatini kajumissutsiminnik suleqataasunit aaqqissuunneqartumut onlinekkut ukioq manna naapeqatigiissitsinissamut siullermut peqataagit. Napparsimasoqarneratigut, imminut toquttoqarneratigut, ajutoortoqarneratigut, atornerluisoqarneratigut imaluunniit allatut ilinnut annaasaqarsimasumut unnuk tunngavoq.
Sumiiffik: Onlinekkut: linki atorlugu iserfissaq: https://link.sorgcenter.dk/aliasoqatit-cafeaften
Qaqugu: Pingasunngorneq, 17. januaari 2024, nal. 19.00-imiit 21.00-p tungaanut.
Onlinekkut naapeqatigiissitsisarnerit aqqutigalugit Kalaallit Nunaanni tamarmi toqusoqarneratigut qimagaasimasut inuusuttut, inersimasut aamma utoqqaat naapeqatigiissinnaanissaannik, tusarnaarneqarsinnaanissaannik aamma misilittakkaminnik imminnut tunniusseqatigiinnissaannik periarfissikkusuppavut.
Naapeqatigiissitsinermi tassani sammineqartussaq tassaavoq ”Aliasunneq ikinngutillu”, toqusoqarneratigut qimagaasimasut amerlasuut annaasaqarnerminni ikinngutiminnik oqaloqatiginninnissartik ajornakusoortoq misigisarmassuk. Tamanna ajornakusoortuusoq ikinngutit aamma isumaqartarput, toqusoqarneratigut qimagaasoq aliasunnerulersillugu kukkusumik oqarnissartik, imaluunniit iliuuseqarnissartik amerlasuutigut ernumassutigisaramikku.
Kajumissutsiminnik suleqataasortavut aliasuuteqarnermi ikinnguteqarneq pillugu misilittakkaminnik oqaluttuassapput. Kajumissutsiminnik suleqataasut, aamma toqusoqarneratigut annaasaqarsimasut allat tamatuma kingorna oqaloqatiginissaannut periarfissaqassaaq.
Onlinekut iserlutit naapeqatigiiffissakkut naapitta! – Link
Aaqqissuisoq: ”Aliasoqatit – Toqusoqartillugu aliasuutinik oqilisaqatigiiffik”
attaveqarfissaq: gronland@sorgcenter.dk
——————————————————
MASSAKKUT IKIORTISSAALEQIVIT?
TUSAANNGA 801180 ATTAVIGIUK
Nuaanniillioruit, ajornartorsiuteqaruit, saaffissaaleqiguit imaluuniit oqaloqatissaaleqiguit taava Tusaannga 801180 sianerfigisinnaavat immaluunniit SMS’ersinnaavutit 1899-imut. Tassani ilisimasalimmik siunnersuisinnaasumik oqaloqateqarlutilluunniit allaqateqarsinnaavutit.