Qanigisannik toqusoqarsimanera pissutigalugu aliasuuteqarpit?  

Ilaqutariinni allannguut ❤️  

Napparsimasoqarneratigut, imminut toquttoqarneratigut, ajutoortoqarneratigut imalunniit allatut qanigisannik annaasaqarsimanerpit kingorna aliasuuteqaruit Nuummi naapeqatigiissitsinissamut peqataajartorit.   

Naapeqatigiissitsinermi tassani sammineqartussaq tassaavoq ”Ilaqutariinni allannguut”. Annaasaqaraanni ilaqutariinni annaasaqarneq sioqqullugu ataasiakkaarluni atuuffiit allannguuteqarsinnaapput. Tamanna misigissutsitigut artorsalersitsisinnaavoq, aliasunnermik sakkortunerulersitsilluni, imaluunniit immaqa allaat ilaqutariinni nutaanik atuuffeqartoqalernera, aamma ilaqutariinni allanngortoqarnera pillugit nuannaarnermik imaluunniit pakatsinermik pilersoqarsinnaalluni. Toqusoqarneratigut annaasaqareernerpit kingorna immaqa illit ilaquttatit, imaluunniit ilaqqutavit akornanni illit atuuffiit allannguuteqarput?  

Kajumissutsiminnik suleqataasut ilaquttamik ilaannik toqusoqarneratigut annaasaqarnermik kingorna ilaqutariinni allannguutit pillugit misilittakkaminnik saqqummiinerannik unnuk aallartinneqassaaq.   

Peqataasut misigisimasaminnik tamatuma kingorna oqaluttuarnissaminnut  periarfissaqassapput, tamannalu sapiissuseqarfiginngikkaanni allat oqaluttuarnerannik tusarnaaaginnarusuttut aamma tikilluaqqusaapput.  

Kaffi, tii kaagilu sassaalliutigineqassapput.  

• Sumiiffik:  Illorput, Sorlaat 11, Nuuk  

• Qaqugu: Pingasunngorneq, 25. septembari, 2024 nal. 19.00-imiit 21.00-imut  

Aaqqissuisut: kajumissutsiminnik suleqataasut, ”Aliasoqatit – toqusoqartillugu aliasuutinink oqilisaqatigiiffik” – https://aliasoqatit.gl