Aliasuuteqarnermi tapersersoqatigiinneq
Naapeqatigiissitsisarnerit
Aliasoqatini kajumissutsiminnik suleqataasut toqusoqarneratigut aliasuuteqarneq pillugu Nuummi aamma Qaqortumi qaammammut ataasiarlutik naapeqatigiissitsisarput.
Kajumissutsiminnik suleqataasut namminneq misilittakkaminnik oqaluttualaarnerannik unnuk aallartinneqassaaq. Tamatuma kingorna peqataasut misigisaminnik oqaluttuarnissaminnik periarfissaqassapput, tamannalu sapiissuseqarfiginngikkaanni allat oqaluttuarnerannik tusarnaaginnarnissamut aamma tikilluaqqusisoqarpoq.
Naggataatigut kaffeqassaaq, aamma annaasaqarsimasut allat oqaloqatigineqarsinnaassallutik.
Naapeqatigiissitsisarnerit toqusoqarneratigut qimagaasimasunut 18-it sinnerlugit ukiulinnut tamanut neqeroorutaapput
Ulluliussat takuniarlugit Sammisassatut pilersaarutinut ullorsiut takuuk
Apeqqutit akissutillu
Tassani toqusoqarneratigut qimagaasunit apeqqutit akissutillu assigiinngitsut atuarsinnaavatit. Aamma illit nammineq apeqqutit nassiussinnaavat, taava kajumissutsiminnik suleqataasut akissuteqarlutillu kinaassutsit ersersinnagu quppernermi matumani saqqummiutissavaat.
Chatti
Chatti toqusoqarneratigut qimagaasimasunut 18-it sinnerlugit ukiulinnut tamanut neqeroorutaavoq. Kinaassutsit saqqummiunnagu kajumissutsiminik suleqataasumik ugguuna chatteqarsinnaavutit. Chatti maannamut marlunngornerit tamaasa nal. 19-imiit 21-p tungaanut ammasarpoq.
Kinaassutsimik isertuussineq
Aliasoqatit kinaassutsimik isertuuffiusumik neqeroorutaavoq – chatterput, apeqqutit akissutillu imaluunniit unnukkut naapeqatigiissitsisarnivut atoraluarukkilluunniit – kissaatigigukku kinaassutsit isertuulluinnarsinnaavat. Kinaanerit kajumissutsiminnik suleqataasut takusinnaassanngilaat, kisianni paasinerujumallutit ikiornerusinnaajumallutillu arlaatigut apeqquteqarfigeriataarsinnaavaatsit.
IKIORTISSANNIK MASSAKKUT PISARIAQARTITSIVIT?
TUSAANNGA 801180-IMUT ATTAVIGIUK
Nuanniillioruit, ajornartorsiuteqaruit imaluunniit oqaloqatissaaleqiguit,
taava Tusaannga 801180-imut sianerfigisinnaavat, imaluunniit 1899-imut SMS-erlutit.
Tassani siunnersortimik ilisimasalimmik oqaloqateqarsinnaallutilluunniit allaqateqarsinnaavutit.
Ammasarfiit:
Ataasinngorneq– sisamanngorneq: Ulloq unnuarlu ammasarpoq
Tallimanngorneq – arfininngorneq: Ulloq unnuarlu ammasarpoq
Sapaat: Ulloq unnuarlu ammasarpoq