Asasarput illit,

 

Aliasoqatini Apeqqutinut akissutinullu allakkannut qujanarujussuaq.

Toqusoqarneratigut aliasuuteqarnermi sumi ikiuisoqarsinnaanersoq pillugu apeqquteqarlutit ikiortissarsioravit assut pitsaavoq.

Ikiortissarsiornissannut sapiissuseqarnerit pillugu pilluarit. Alloriarnerit siulleq taanna tassarpiaasarpoq alloriarnissamut sapiissuseqarnissamik annerpaamik piumasaqarfiusartoq.

Asasatsinnik toqusoqarneratigut annaasaqaraangatta aliasunnerput inuunitta sinnerani pigisarparput. Kisianni aliasunnerup oqaluuserinissaa, aamma toqusoqarneratigut alisuuteqarnermik ilisimasalinnut allanut oqaluttuarisinnaanera sapiissuseqarfigileraangatsigu oqinnerumaalersarpoq. Taamaalilluta kiserliunnginnerulaalersarpugut.

 

Toqusoqarneratigut aliasuuteqarneq pillugu naapeqatigiissitsineq tulleq aggustimi Nuummi Qaqortumilu ingerlanneqassapput. Toqusoqarneratigut aliasuuteqarneq pillugu naapeqatigiissitsisarnissat tulleriaarnerinut takussutissaq uani takusinnaavat: https://aliasoqatit.gl/da/cafeaftner/

Taama sivisutigisumik utaqqisariaqanngilatit, tassami marlunngornerit tamaasa nal. 19-imiit 21-p tungaanut Aliasoqatini kajumissutsiminnik suleqataasut ilaat chatteqateqarnissaminut chattimi piareersimasarpoq. https://aliasoqatit.gl/da/chatten/

Apeqqutit akissutillu una aqqutigalugu kinaassutsimik isertuussilluni kajumissutsiminik suleqataasumut aamma allattoqarsinnaavoq, akissuteqarfigineqarlunilu. Taannalu ammajuaannarpoq, aamma sapinngisarput tamakkerlugu sukkanerpaamik akiniartarpugut. Aliasuuteqarninni massakkorpiaq initutitaqaruit taava allaffigitigut. Imaluunniit kina annaasimanerlugu allallutit oqaluttuutsigut? Susoqarsimanera? Imaluunniit illit qanoq innerit?

Neriuppunga akissutiga iluaqutaassasoq. Aamma neriuutigisorujussuuara Aliasoqatini atussagitsigut, tamannarpiarmi pillugu maaniippugut – uagut toqusoqarneratigut annaasaqarsimanerput aamma aliasunnermik misilittagaqarnerput aallaavigalugit toqusoqarneratigut qimagaasut aliasunnerini tapersersussallugit.

 

Inussiarnersumik inuulluaqqusilluta,

Aliasoqatini kajumissutsiminnik suleqatigiit